52 ހަފްތާ: މަސްވެރިކަމުގެ ދާއިރާގެ އުފެދުންތައް މާކެޓްކުރުމަށް ސަރުކާރުގެ ސައްތައިން ސައްތަ ހިއްސާ އޮންނަ ކުންފުންޏެއް އުފެއްދުން

ވާދަވެރިކަން ބޮޑު ދުނިޔޭގެ މާކެޓުގައި ދިވެހި މަހާއި މަހުގެ އުފެއްދުންތަކަށް ރަނގަޅު ނަފާ ހޯދުމަށާއި މާކެޓުކުރާނެ ކުންފުންޏަކަށް މުޅި މަސްވެރި ސިނާއަތު އޮތީ ބޭނުން ޖެހިފައެވެ.

އެ ކަމަށް ހައްލެއް ހޯދުމަށް މިދިޔަ ފެބްރުއަރީ މަހުގެ ހަތަރު ވަނަ ދުވަހު، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ގަރާރަކުން ވަނީ، "މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިން އެންޑް ޕްރޮމޯޝަން ކޯޕަރޭޝަން ލިމިޓެޑް" އުފައްދަވައިފައެވެ.

އެ ކުންފުންޏަކީ، މަސްވެރިކަމުގެ އާ ބާވަތްތައް ތައާރަފްކުރުމާއި މަސްވެރި އުފެއްދުންތައް އިތުރުކޮށް އެ އުފެއްދުންތައް ވިއްކޭނެ ބޭރުގެ ބާޒާރުތައް ހޯދައި އިތުރުކުރުމާ، މަހުގެ އުފެއްދުންތައް ޕްރޮމޯޓްކޮށް މާކެޓްކުރުމަށް އުފެއްދި ކުންފުންޏެކެވެ.

މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިން އެންޑް ޕްރޮމޯޝަން ކޯޕަރޭޝަން ލިމިޓެޑްއަކީ ސަރުކާރުގެ ސައްތައިން ސައްތަ ހިއްސާވާ ކުންފުންޏެކެވެ.

"މޯލްޑިވްސް ފިޝަރީޒް އެންޑް އޯޝަން ރިސޯސް މާކެޓިން އެންޑް ޕްރޮމޯޝަން ކޯޕަރޭޝަން ލިމިޓެޑް" އަށް ހުއްދަ ކޮށްފައިވާ ރައުސްމާލަކި 10 ރުފިޔާ އެވެ. އެ ކުންފުނީގެ ހިއްސާގެ އަދަދަކީ 10 މިލިއަން ކަމަށާއި ހިއްސާގެ މައްޗަށް ބަހާލާފައިވަނީ 100،000 ރުފިޔާ ކަމަށް ރައީސްގެ ގަރާރުގައިވެއެވެ.

ރާއްޖޭގެ މަސްވެރިކަން ޕްރޮމޯޓުކޮށް މާކެޓްކުރުމަށް ޚާއްސަ ކުންފުންޏެއް ރައީސް ޑރ. މުޢިއްޒު އުފައްދަވައިފައިވަނީ 5 ފެބްރުވަރީ 2024 ވަނަ ދުވަހުއެވެ.