އިންޑިއާ ސަރުކާރުން ދިވެހިރާއްޖެއަށް ކަނޑައެޅުއްވާފައިވާ ސަފީރު، ހިޒް އެކްސަލަންސީ ޖީ. ބާލަސުބްރަމާނިއަން، މިނިސްޓަރ އަޙްމަދު ޝިޔާމްގެ އަރިހަށް އިޙްތިރާމުގެ ޒިޔާރަތެއް ކުރައްވައިފި

އިންޑިއާ ސަރުކާރުން ދިވެހިރާއްޖެއަށް ކަނޑައެޅުއްވާފައިވާ ސަފީރު، ހިޒް އެކްސަލަންސީ ޖީ. ބާލަސުބްރަމާނިއަން، މިނިސްޓަރ އަޙްމަދު ޝިޔާމްގެ  އަރިހަށް އިޙްތިރާމުގެ ޒިޔާރަތެއް ކުރައްވައިފިއެވެ.

މި ބައްދަލުކުރެއްވުމުގައި " ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓްސް " (އެޗް.އައި.ސީ.ޑީ.ޕީ)ގެ ދަށުން

މަސްވެރިކަމާ ބޭހޭ މަޝްރޫއުތަކުގެ އަޕްޑޭޓްތަކާއި ބެހޭ ގޮތުން މަޝްވަރާކުރެއްވިއެވެ. އަދި މީގެއިތުރުން،  އިންޑިއާގެ މެރިން ޕްރޮޑަކްޓްސް އެކްސްޕޯޓް ޑިވެލޮޕްމަންޓް އޮތޯރިޓީ (އެމް.ޕީ.އީ.ޑީ.އޭ) އާއި މިނިސްޓްރީގެ އިތުރުން މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިންގ އެންޑް ޕްރޮމޯޝަން ކޯޕަރޭޝަން (އެމް.އެފް.އޯ.ޕީ.ސީ) އާއި ގުޅުގެން އެހެނިހެން ދާއިރާތަކުން ކުރިއަށް އޮތްތާނގައި ގުޅުން ބަދަހިކުރުމާ ބެހޭގޮތުން މަޝްވަރާކުރެއްވިއެވެ.

މިނިސްޓަރ އަޙްމަދު ޝިޔާމްގެ އަރިހުގައި މި ބައްދަލުވުމުގައި ބައިވެރިވެވަޑައިގަތީ މިނިސްޓަރ އޮފް ސްޓޭޓް ޑރ. އަމްޒަތު އަޙްމަދު، ޕަރމަނަންޓް ސެކްރެޓަރީ ޑރ. އާމިނަތު ޝާފިޢާ އަދި ޑިރެކްޓަރ ޖެނެރަލް އަޙްމަދު ޔާމީންއެވެ.