2026 ރާއްޖޭގައި އައި.އޯ.ޓީ.ސީ ގެ 30 ވަނަ އަހަރީ ބައްދަލުވުން ބޭއްވުމަށް ހަމަޖެހިއްޖެ

އިންޑިއަން އޯޝަން ޓޫނާ ކޮމިޝަން (އައި.އޯ.ޓީ.ސީ)ގެ ސެކްރެޓޭރިއަޓް، ޑރ. ޕޯލް ޑި ބްރުއިން އަދި އައި.އޯ.ޓީ.ސީ ގެ އެޑްމިނިސްޓްރޭޓިވް އޮފިސަރ ހަވަރޑް ވޯލީއާ، މިއަދު  މިނިސްޓަރ އަހުމަދު ޝިޔާމް އާއި ބައްދަލުކުރައްވައިފިއެވެ.

މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގައި ބޭއްވި މި ބައްދަލުވުމުގައި، މައިގަޑު ގޮތެއްގައި މަޝްވަރާކުރެއްވީ 2026 ވަނަ އަހަރު އައި.އޯ.ޓީ.ސީގެ 30 ވަނަ އަހަރީ ބައްދަލުވުން ރާއްޖޭގައި ބޭއްވުމުގެ އިންތިޒާމުތަކާ ބެހޭގޮތުންނެވެ.

އިންޑިއަން އޯޝަން ޓޫނާ ކޮމިޝަން (އައި.އޯ.ޓީ.ސީ) އަކީ މަސްވެރިކަމާއި ގުޅޭ ކަންތައްތަކުގައި ގުޅުން ބަދަހިކުރުމަށާއި، ކަނޑުމަހުގެ (ޓިޔުނާ)  މަސްވެރިކަން ބެލެހެއްޓުމަށާއި ހިމާޔަތްކުރުމަށް ފިޔަވަޅު އެޅުމަށާއި އަދި ދެމެހެއްޓެނެވި ގޮތެއްގައި ކަނޑުމަހުގެ މަސްވެރިކަމުގެ ސިނާޢަތު ތަރައްޤީކުރުމަށްޓަކައި ކަނޑުގެ ޤާނޫނާއިބެހޭ އ.ދ.ގެ ކޮންވެންޝަން (ޔުނައިޓެޑްނޭޝަން ކޮންވެންޝަން އޮން ދަ ލޯ އޮފް ދަ ސީ) އިން ބާރު ލިބިގެން އުފައްދާފައިވާ ކޮމިޝަންއެކެވެ.

ވުމާއިއެކު، މިއީ ރާއްޖޭގައި މި ފަދަ ފަޚުރުވެރި ބައްދަލުވުމެއް ބޭއްވޭނެ ފުރަތަމަ ފަހަރެއެވެ.

މި ބައްދަލުވުމުގައި މިނިސްޓަރ އަޙްމަދު ޝިޔާމްގެ އަރިހުގައި  ސްޓޭޓް މިނިސްޓަރުން އަދި ވުޒާރާގެ އިސްވެރިން ބައިވެރިވެ ވަޑައިގެންނެވިއެވެ.