2024 ވަނަ އަހަރުގެ މަސްވެރިގެ ދުވަހާއި ގުޅިގެން، މަސްވެރިކަމާއި ކަނޑުގެ ވަޞީލަތްތްކާބެހޭ ވުޒާރާއިން މުޅިން އަލަށް "ރަހަވަރު" ނަމުގައި ކެއްކުމުގެ މުބާރާތެއް ތަޢާރަފްކޮށްފިއެވެ. މި މުބާރާތް ސިލްސިލާގޮތެއްގައި މެދު ނުކެނޑި ކުރިއަށް އޮތް އަހަރުތަކުގައި މަސްވެރިންގެ ދުވަހާއިގުޅިގެން ކުރިއަށް ގެންދިއުމަށްވަނީ ރޭވިފައެވެ.

މިޕްރޮޤްރާމްގެ މަޤްސަދަކީ ދިވެހިރާއްޖޭގެ ކާބޯތަކެތީގެ ރައްކާތެރިކަމަށް މަސްވެރިކަމުން ހިއްސާކުރާ މިންވަރު ފާހަގަކުރުމާއި ދިވެހިންގެ ކެއުން ބުއިމުގެ އާދާކާދަތަކަށް އަންނަމުންދާ ބަދަލުތަކުގެ ސަބަބުން، ތަފާތު އައު ބާވަތްތަކުގެ މަހުގެ އުފެއްދުންތައް އުފައްދާ ބޭނުންކުރުމުގެ މުހިންމުކަން ދައްކުވާ ދިނުމެވެ. މިއީ މިނިސްޓްރީއާ ޝެފްސް ގިލްޑް އޮފް މޯލްޑިވްސް އަދި ފެކަލްޓީ އޮފް ހޮސްޕިޓަލަޓީ އެންޑް ޓޫރިޒަމް ސްޓަޑީޒް ގުޅިގެން ހިންގި ޙަރަކާތެކެވެ.

މި އަހަރުގެ މަސްވެރިންގެ ދުވަހުގެ ޙަރަކާތްތައް ކުރިއަށް އޮތް ހަފްތާއަކަށް ރޭވިފައިވީއިރު، "ރަހަވަރު ކުކް އޮފް ޗެލެންޖު"ގެ ނަމުގައި ބޭއްވިގެން ދިޔަ މިމުބާރާތަށް ވަރަށް ގިނަ ބައެއްގެ ތަރުޙީބު ލިބިގެންދިޔައެވެ.

ޖުމްލަ 7 ޓީމަކުން 35  ބައިވެރިން މި މުބާރާތުގައި ބައިވެރިވެފައި ވެއެވެ. ތަފާތު ރަހަތަކަކާއި ހުށަހެޅުންތަކެއް ފެނިގެންދިޔަ، މި މުބާރާތުގައި ބައިވެރިން ކެއްކުމުގައި ބޭނުންކުރުމަށް "މެއިން" އިންގްރީޑިއަންޓްއެއްގެ ގޮތުގައި ހަމަޖެހިފައިވަނީ ފަރުމަހާއި މުށިމަހެވެ.

"މި މުބާރާތުން 1 ވަނަ ލިބުނީ "ފަތްމިނި ކަމަނާ" ޓީމަށެވެ. "ޓީމް ފުޑް ބަޑީސް" އަށް 2 ވަނަ ލިބިފައިވާއިރު 3 ވަނަ ލިބުނީ "ޓީމް ނޯޑިކް ބައިޓްސް" އަށެވެ. މި އަހަރުގެ މިމުބާރާތުގެ 1 ވަނައަށް އައި ޓީމަށް ފައިސާގެ އިނާމްގެ ގޮތުގައި 10،000 ރުފިޔާ، 2 ވަނައަށް 7،000 ރުފިޔާ އަދި 3 ވަނައަށް 5،000 ރުފިޔާވަނީ ދެއްވާފައެވެ.

"ރަހަވަރު" ކެއްކުމުގެ މުބާރާތް ނިންމުމުގެ ރަސްމިއްޔާތުގައި މިނިސްޓަރ އަޙްމަދު ޝިޔާމް ވިދާޅުވީ، މިއަހަރު އިފްތިތާޚް ކުރެވިގެން ދިޔަ މިމުބާރާތް ކުރިއަށް އޮތް އަހަރުތަކުގައި އިތުރަށް ފުޅާކޮށް، އާންމު ރައްޔިތުންގެ އިތުރުން، ސްކޫލް ދަރިވަރުންނަށްވެސް ބައިވެރިވުމުގެ ފުރުޞަތު ހުޅުވާލެވިގެންދާނެ އެވެ. މީގެ އިތުރުން، މިނިސްޓަރ ފާހަގަކުރެއްވި ގޮތުގައި، އެންމެ ބޮޑު އުންމީދަކީ، އަތޮޅުތެރޭގައި މިމުބާރާތް ހުޅުވާލެވި، ކާމިޔާބު ކަމާއެކު ކުރިއަށް ގެންދިއުމެވެ.

07 ޑިސެމްބަރ 2024
މަސްވެރިންގެ ދުވަހުގެ ޙަރަކާތްތަކުގެ ތެރެއިން - " ރަހަވަރު ކެއްކުމުގެ މުބާރާތް" 

“Rahwaru” Culinary Competition: Celebrating Fishermen's Day 2024

“Raahwaru” Culinary Competition: Celebrating Fishermen's Day 2024

News -Decision