10 ފެބްރުއަރީ 2025
ޓްރާންސްފޯމް މަޝްރޫއުގެ ސްޓްރިއަރިން ކޮމިޓީގެ މި އަހަރުގެ ފުރަތަމަ ބައްދަލުވުން ބާއްވައިފި
ޙަބަރު
(ޓްރާންސްފޯމް) މަޝްރޫޢުގެ 2025 ވަނަ އަހަރުގެ ފުރަތަމަ ސްޓިއަރިން ކޮމިޓީގެ ބައްދަލުވުން މިއަދު ބާއްވައިފި

ޓްރާންސް ފޯމިން ފިޝަރީޒް ސެކްޓަރ މެނޭޖްމަންޓް އިން ސައުތު-ވެސްޓް އިންޑިއަން އޯޝަން ރީޖަން އެންޑް މޯލްޑިވްސް (ޓްރާންސްފޯމް) މަޝްރޫޢުގެ 2025 ވަނަ އަހަރުގެ ފުރަތަމަ ސްޓިއަރިން ކޮމިޓީގެ ބައްދަލުވުން މިއަދު ބާއްވައިފިއެވެ. މި މަޝްރޫއުއަކީ ވޯލްޑް ބޭންކުގެ އެހީތެރިކަމާއެކު ދިވެހިރާއްޖޭގެ މަސްވެރިކަމުގެ ދާއިރާ ތަރައްޤީކޮށް ކުރިއެރުވުމަށް ހިންގޭ މުހިންމު މަޝްރޫޢެކެވެ.
މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގައި ބެއްވީ މި ބައްދަލުވުމުގައި މަޝްރޫޢުގެ މިހާތަނަށް ކުރެވިފައިވާ މަސައްކަތްތަކާއި، ކުރިއަށް ރޭވިފައިވާ ޙަރަކާތްތަކުގެ ތަފްޞީލީ މަޢުލޫމާތު ކޮމިޓީގެ މެންބަރުންނާ ހިއްސާކުރެވުނެވެ. އަދި 2025 ވަނަ އަހަރަށް ހުށަހެޅުނު ބަޖެޓް، ކޮމިޓީގެ މެންބަރުންގެ އިއްތިފާޤުން ވަނީ ފާސްކުރައްވާފައެވެ.
މި ބައްދަލުވުމުގައި މިނިސްޓަރު އަޙްމަދު ޝިޔާމް އަރިހުގައި މިނިސްޓްރީ އޮފް ފިނޭންސްގެ އިސް ބޭފުޅުންނާއި، މިމިނިސްޓްރީގެ މުވައްޒަފުންނާއި އިންޑަސްޓްރީގެ ބޭފުޅުން ބައިވެރިވެވަޑައިގެންނެވިއެވެ