މޯލްޑިވްސް މެރިން ސައިންސް ސިމްޕޯސިއަމް 2024 ވަޒީރު އަޙްމަދު ޝިޔާމް އިފްތިތާހްކޮށްދެއްވައިފި

މޯލްޑިވްސް މެރިން ރިސާރޗް އިންސްޓިޓިއުޓްގެ ފަރާތުން އިސްނަގައިގެން ދެ އަހަރުން އެއްއަހަރު ބާއްވަމުން ގެންދާ މޯލްޑިވްސް މެރިން ސައިންސް ސިމްޕޯސިއަމް ސީރީސް (އެމް.އެމް.އެސް.އެސް) ގެ 5 ވަނަ އިވެންޓްގެ ފެށުމުގެ ރަސްމިއްޔާތު މޯލްޑިވްސް ނޭޝަނަލް ޔުނިވާރސިޓީގެ ސެންޓްރަލް އޯޑިޓޯރިއަމްގައި  މިއަދު ބާއްވައިފިއެވެ. މި މަހާސިންތާ ރަސްމީކޮށް  ފައްޓަވައިދެއްވީ މިނިސްޓަރު އަހުމަދު ޝިޔާމެވެ.

ޖަލްސާ ޝަރަފުވެރިކޮށްދެއްވައި ވަޒީރު އަޙްމަދު ޝިޔާމް، ހާޒިރީންނާއި މުޚާތަބު ކުރައްވަމުން ، މި ސިމްޕޯސިއަކީ  ރާއްޖޭގެ ކަނޑާއި ފަޅުތަކުގެ ވަސީލަތްތައް އަދި އެމާހައުލުތަކުގެ ދިރުންތަކާއި ގުޅޭގޮތުން އެކި ފަރާތްތަކުން ކުރަމުންގެންދާ ދިރާސާ މަސަތްކަތްތައް، އެއްތަނެއްގައި ހިއްސާކޮށް މަޝްވަރާ ކުރުމުގެ ފުރުސަތު އަދި މި ޕްލެޓްފޯމެއް ތެރެެއިން  މުހިއްމު މަޢުލޫމާތައް ލިބިގެންދާނެކަން ފާހަގަކުރެއްވިއެވެ. އަދި މިފަދަ ސިމްޕޯސިއަމްތަކުގެ ސަބަބު ސަރުކާރުގެ ސިޔާސަތު ކަނޑައެޅުން ފަސޭހަވެގެންދާނެކަން މިނިސްޓަރ ފާހަގަކުރެއްވިއެވެ. 

މި އަހަރުގެ ސިމްޕޯސިއަމްގައި ހުށަހެޅާ ދިރާސާތަކުގެ ތެރޭގައި މުރަކަ އާއި ރީފް އިކޮލޮޖީ، ފިޝަރީޒް އެންޑް އެކްއަކަލްޗަރ، ޝާކް އެންޑް ރޭސް، މެރިން މެގަފޯނާ، މެންގްރޫވްސް، ސީގްރާސް  އަދި ކަމާގުޅުންހުރި އެހެނިހެން މެރިން  ސައިންސާއި ބެހޭ ދިރާސާ ކަރުދާސްތައް ހުށަހެޅުމުގައި، ދިވެހިރާއްޖޭގެ ދިރާސާކުރާ ފަރާތްތަކާއި ޖަމްއިއްޔާތަކާއި ބައިނަލަޤްވާމީ ޖަމްއިއްޔާތަކާއި ޔުނިވަސިޓީ ދަރިވަރުން ހިމެނިގެންދާނެއެވެ.