މިނިސްޓަރ ޗައިނާގެ ޝިންޑާ އަށް ކުރެއްވި ރަސްމީ ދަތުރުފުޅުގައި ޗައިނާގެ މިނިސްޓަރ އޮފް ނެޗުރަލް ރިސޯސަސް، ވަންގް ގުއާންގުއާއި ބައްދަލު ކުރައްވައިފި

މިނިސްޓަރ ޗައިނާގެ ޝިންޑާ އަށް ކުރެއްވި ރަސްމީ ދަތުރުފުޅު، 2024 ވަނަ އަހަރުގެ ގްލޯބަލް އޯޝަން ޑިވެލޮޕްމަންޓް ފޯރަމްގައި  ޗައިނާގެ މިނިސްޓަރ އޮފް ނެޗުރަލް ރިސޯސަސް، ވަންގް ގުއާންގުއާއި ބައްދަލު ކުރައްވައިފިއެވެ. މިބައްދަލުވުމުގައި 'މެރިން ކޯޕަރޭޝަން ޓުވާރޑްސް ދަ ބްލޫ އިކޮނޮމީ' އާ ގުޅޭ މުޢާހަދާގެ މަޤްޞަދުތައް ކުރިއެރުވުމާ ބެހޭގޮތުން މަޝްވަރާކުރެއްވިއެވެ. 

މީގެ އިތުރުން، މިނިސްޓަރ އޮފް ނެޗުރަލް ރިސޯސަސް، ވަންގް ގުއާންގު، ވަނީ ޗައިނާގެ މެރިން ސްކޮލަރޝިޕް ޕްރޮގްރާމްތަކުގައި  ބައިވެރިވުމަށް ދިވެހިރާއްޖެއަށް ދައުވަތު ދެއްވާފައެވެ.

މިބައްދަލުވުމުގައި މިނިސްޓަރ އަޙްމަދު ޝިޔާމްގެ އަރިހުގައި  ޑިރެކްޓަރ ޖެނެރަލް އަހުމަދު ޔާމިން ބައިވެރިވެ ވަޑައިގެންނެވިއެވެ.