ރާއްޖޭގައި މެރިކަލްޗަރ ސިނާޢަތް ތަރައްޤީ ކުރުމަށްޓަކައި މީހުން ބިނާ ކުރުމުގެ މަޤްޞަދުގައި ކ. މަނިޔަފުށި ޓްރެއިނިންގ އެންޑް ރިސާރޗް ސެންޓަރުގައި މެރިން ހެޗަރީ ސްކިލްސް ޑިވެލޮޕްމަންޓް 2 ވަނަ އަސާސީ މެރިކަލްޗަރ ތަމްރީން ޕްރޮޤްރާމް   ނިންމުމުގެ ރަސްމިއްޔާތު މިއަދު  ކ. މަނިޔަފުށިގައި ކުރިއަށް ގެންދެވުނެއެވެނެެއެވެ.  

މި ޕްރޮގްރާމްގެ ނިންމުމުގެ ރަސްމިއްޔާތު ޝަރަފުވެރި ކޮށްދެއްވީ މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު، އަޙްމަދު ޝިޔާމް އެވެ. މި ރަސްމިއްޔާތުގައި ވާހަކަފުޅުދައްކަވަމުން ވަޒީރު އަޙްމަދު ޝިޔާމް ވިދާޅުވީ،  ކުރިމަގުގައި "މެރިކަލްޗަރ ސިނާޢަތް" ފުޅާދާއިރާއްގައި އާމްދަނީ، ދިވެހިރާއްޖެއަށް ވަންނާނެ ސިނާޢަތެއް ގޮތުގައި ތަރައްޤީކުރުމަށެވެ. 

މީގެއިތުރުން  ވަޒީރު އަޙްމަދު ޝިޔާމް ވިދާޅުވީ، މެރިކަލްޗަރ ސިނާޢަތް ވަކި ސިނާޢަތެއްގެ ގޮތުގައި ތަރައްޤީކުރުމަށް 4 ސަރަޙައްދެއް ވަޒީރުންގެ މަޖިލީހުން ކަނޑައަޅުއްވާފައިވާކަމަށެވެ. އެގޮތުން ކަނޑައެޅި 4 ސަރަހައްދަކީ ބޮޑު ތިލަދުންމައްޗާއި، ރ.އަތޮޅާއި މ.އަތޮޅުގެ އިތުރުން ތ. އަތޮޅެވެ.

ކޯސް ފުރިހަމަކުރި 14 ފަރާތާއެކު މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމުގެ ދަށުން މިހާތަނަށް ޖުމުލަ 26 ފަރާތެއް ތަމްރީނު ފުރިހަމަކޮށްފައިވެއެވެ.

ވާރލްޑް ބޭންކުގެ އެހީގެދަށުން މިނިސްޓްރީން ހިންގާ ޓްރާންސްފޯމް ޕްރޮޖެކްޓުގެ އެހީތެރިކަމާއެކު މޯލްޑިވްސް މެރިން ރިސާރޗް އިންސްޓިޓިއުޓުން ހިންގާ މި ތަމްރީން ޕްރޮޤްރާމްގެ   މަޤްސަދަކީ،  ރާއްޖޭގައި މެރިކަލްޗަރ ސިނާއަތެއް ތައާރަފުކޮށް ތަރައްޤީކުރުމަށް ބޭނުންވާ ދިވެހި ފަންނުވެރިން އުފެއްދުމެވެ.

މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމުގެ ދެވަނަ ބެޗް ނިންމާ ބައިވެރިންނަށް ސެޓްފިކެޓްދީފި

Second Basic Mariculture Training Program Concludes at K. Maniyafushi

Second Basic Mariculture Training Program Concludes at K. Maniyafushi

News -Decision